We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Ufem Mond

by Ian Leu

supported by
causingtrouble
causingtrouble thumbnail
Florian Wüstholz
Florian Wüstholz thumbnail
alpenjon
alpenjon thumbnail
tobiasmesserli
tobiasmesserli thumbnail
/

  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      7 CHF  or more

     

1.
Guetmönsch 02:18
lyrics
buy track
GUETMÖNSCH - IAN LEU Mönsche, wo mi närve Würd i gärn aui töte I maches nid, aber wenn i's miech Wär i e Massemörder Lüt, wo mir im Wäg stöh Würd i gärn aui spränge I maches nid, aber wenn i's miech Würd Dynamit nid länge Mönsche, wo tumm schnurre Würd i gärn au erschiesse I maches nid, aber wenn i's miech Würd o hie Bluet fliesse I bine Guetmönsch En elände Guetmönsch I bi für d Liebi u drum leider gäge Gwaut Mönsche, wo üs närve Löh mir im Meer versuffe Mir säges nid, aber wüsses au Teu Liche schwemmt's ads Ufer Für Lüt, wo mir hei usgroubt Isch i däm Boot ke Platz meh Mir säges nid, aber wüsses au Pirate teile ire Schatz ni Aui, wo ke Stimm hei Chasch töte u benütze Mir säges nid, aber wüsses au Dass üsi Gsetz nume üs schütze Mir si Schlächter u Schlächterinne Eländi Roubritter, Marie-Antoinettes D Liche stören üs bim Sünnele am Strand Fasch no meh aus der Sand - är chläbt eifach überau! Hesch keni angere Problem Frage si mi immer Hei mir es Verständigungsproblem? Frag i zrügg mitem Mittufinger Was i säge, sig z extrem Wöu d Mönsche finges schlimmer We me ihne seit, was si si Aus dass si's si Tummi Arschlöcher U nimau glücklech derbi U i bine e Guetmönsch En elände Guetmönsch I bi füre Fride, für d Liebi u gäge Gwaut Wöu mir ds Läbe gfaut Oh, ja
2.
Wörter 02:14
lyrics
buy track
WÖRTER - IAN LEU Für immer I ghöre dir Für immer I ghöre dir Hani gseit, es sig für immer? Hani gseit, i ghöre dir? Ja, cha si, dass i das gseit ha U was seisch du geng zu mir? Wörter si frei vo Bedütig Los, es si nume Grüsch Teu zirpe, teu schnürrele wi Chatze Teu flattere wi Vögeli zu dir Mini Wörter si am tröime Ihri Wäut isch d Phantasie We se isperrsch, gö si i Hani gseit, gang, i wott nümme? Hani gseit, blib doch bi ihm? Ja, cha si, dass i das gseit ha U was seisch du geng zu mir? Wörter si frei vo Bedütig Los, es si nume Grüsch Teu zische, teu poutere, teu chratze Teu klappere wi Schlangene vor dir Mini Wörter meine's nie bös O die wo schreie, hei di gärn Si si lut us Fröid am Lärm Wörter si frei vo Bedütig Los, es si nume Grüsch Teu zische, teu poutere, teu chratze Teu flattere wi Vögeli zu dir
3.
I cha mi ändere 02:02
lyrics
buy track
I CHA MI ÄNDERE - IAN LEU Du seisch är sig zu dir wine Ritter Är het Rüstig, Heum u Ross Sis Gsicht versteckt är hingerem Gitter Sis Schwärt isch scharf, är isch der Boss I cha mi ändere I cha mi ändere für di Är sig e Ma, wo um di wür kämpfe Är isch eine, wo drischlaht Eine mit Diener und ere Sänfte Wo d Arbeit angri mache laht I cha mi ändere I cha mi ändere für di Aber i ma ni I bine Tänzer, I bine Musikant I verspriche dir nume Muschle u Sand Wosch mi: I bi da Wosch di Ritter, chasch ga Oder chasch o wine Esu uf haubem Wäg zwüsche mir u ihm blibe sta Är het Macht u Gäud I ha d Stärnenacht aus Zäut I cha mi ändere I cha mi ändere für di Aber i ma ni I ma ni I ma ni
4.
Polizist 02:36
info
buy track
5.
Kater isch gratis 01:30
lyrics
buy track
KATER ISCH GRATIS - IAN LEU Es Glesli Rotwy, Rosé, Wysse chostet Batzeli Zahle muesch o d Stange u sogar ds Herrgöttli Ds grosse Bier isch ds türste Bier, derfür isch chli meh din We wosch spare trinksch es Grosses z zwöit, u o so machsch ke Gwinn Schämpis choufe die, wo Stutz hei, dene, wo se wägem Stutz wei U bim Gsprützte zausch für d Blääterli zuesätzlech zwöi Stei Aber Kater isch gratis Kater gäbe si der obe druf Kater isch gratis I gibe eine us Kater isch gratis Der Kater isch gschänkt Nächst Morge, Gäud furt, aus vergässe Aber der Kater het a mi dänkt Gäg Gringweh gits i Apothek tüüri Mitteli E Dose Bier isch biuiger u hiuft o gäg Zitteri Hesch gar ke Gäud me chasch der aber one Dose Bier nid leischte U stähle isch nid aständig, drum bättle ja di meiste D Burger wei sogar Mieti, we di Rusch im Waud usschlafsch U gumpsch vor Brügg, bechunsch e Buess, wöu d o da nid lige dafsch Aber Kater isch gratis Kater gäbe si der obe druf Kater isch gratis I gibe eine us Kater isch gratis Der Kater isch gschänkt Nächst Morge, Gäud furt, aus vergässe Aber der Kater het a mi dänkt
6.
Ufem Mond 02:42
lyrics
buy track
UFEM MOND - IAN LEU Wenn i aube i de Bärge bi u unger mir es Näbumeer Wenn i d Gipfle gseh u d Wouche wi Vulkane, Gluet u Rouch Wenn e Hang sech löst u abedonneret samt Lawinewehr De cha d Fluet vo mir us ds ganze Land verschlücke und sis Vouch We der Näbu sich när aber uflöst u ds Flachland fürechunnt Wenn i d Seeä gseh u d Boot u d Hügeli u d Hüsli druff Wenn i dra dänke, wi sech aues chlammeret a ds Läbe ohni Grund De merki, d Fluet wär no nid gnue, mir spränge gschider aus i d Luft REFRAIN: Uf em Mond, uf em Mond wett i si Uf em Mond wär ds Lide verbi I cha's nümm ha, cha's nid la, i cha nümm witer ga Chum mir suufe, i ma´s nümme verstah Wenn i aube i den Arme lige vomne böse Meiteli Wenn i d Ouge zue ha u mis Härz u mini Hose off Wenn i nümme weiss, werum i aui hasse, wo am Läbe si De warti chli, das geit verbi u gli si d Ouge wider off U de mängisch gfaut mer sones Meitschi glich o no bi Tagesliecht U i luege's a u lache, nei, das ni, für das isch z früe Schatz, i würd ja gärn di wöue glücklech mache - Nei, das sägi nie I bi ehrlech mit em Lüge gimer nümme Müeh => REFRAIN Wenn i aube fiire, dass i ufstah und scho wider Abe isch We's ändlech chuelet u i nümme zittere bi jedem Schluck We's dusse dunkler wird u i geng heiterer dinn am Chuchitisch De lachi mängisch, dass mis Härz geng no zuckt U de tueni d Läde uf lah chli Mond ids Hus U i singen es Lied, woni mau ha gmacht D Melodie verschwindet ohni Wort zum Fänster us U när grööli der Refrain i d Nacht => REFRAIN Chum mir suufe, i ma's nümme verstah!
7.
Jesus us Schoggi 02:00
lyrics
buy track
JESUS US SCHOGGI - IAN LEU Los, i ga am Sunnti nid id Chile, zum ga bätte gani nid ufd Chnöi I lehre keni Värsli us der Bible, i gloube nid das die öppis chöi I weiss, der Jesus liebt mi, sogar es birebitzeli meh Ufd Chnöi gani am Sunnti, u zwar a jedem, vorem Kiosk weni Schläckzüg gseh I bruche e Jesus us Schoggi, das macht mi vo inne här froh Gimer e Jesus us Schoggi, nüt erfüut mi so Nei, i wott uf ke Fau e Chätschi, i wott o kes Carambar Es git ganz eifach nüt bessers, passenders für dä Tag S isch ds einzige wo mi wider ufsteut, wärtvouer aus Goud Weisch, nume mitem Jesus us Schoggi isch mini Seel vertrout U we d Sunne brätscht u du im Schatte bimne Bier Bisch froh git's di Heiland i Plastik u nid nume uf Papier Är wird weich, faht afa wandle, aber isch egau Giessischne über ds Sorbet, e Coupe Abemau (Nice!) I mir inne rüefts nacheme Jesus us Schoggi, isch grad guet gnue für mi Gimer e Jesus us Schoggi, damit i zfride bi I bruche e Jesus us Schoggi, das macht mi vo inne här froh Gimer e Jesus us Schoggi, nüt erfüut mi so
8.
Vilich 00:59
lyrics
buy track
VILICH - IAN LEU Immer wenn i di frage Was, wenn, wie u wo de? De seisch du immer nume Vilich, vilich, vilich U so vergö üsi Tage I ma scho nüm hoffe U du, du lasches offe Vilich, vilich, vilich Verplämperisch gärn Zyt, he? Mit Brüete, Wärweise Ja, Himuheilandstärne! Wi lang no? Wi lang no? U so vergö üsi Tage I ma scho nüm hoffe U du, du lasches offe Vilich, vilich, vilich Vilich, vilich, vilich Vilich, vilich, vilich
9.
I bi di Ma 02:32
lyrics
buy track
I BI DI MA - IAN LEU Wosch mini Liebi, machi aus, wo du vo mir wosch ha U wosch en angeri Liebi, leg i für di e Maske a Wosch e Partner, sägi Ja Wosch mi i dire Wuet erschlah I stah da. I bi di Ma Wosch e Boxer, de stigi i Ring für di U wosch e Dokter, untersuechi jede Zentimeter vo dir Wosch e Fahrer, chasch ufd Stange cho Wosch mir mit mim Velo dervo De lani di la ga. I bi di Ma Ah, der Mond isch z häu, d Nacht hüut u bäut I bi ar Chetti u schrisse dra I jage dene Verspräche na, woni dir ha gä u nid ghaute ha I weiss, ke Ma het je e Frou bewegt, ämu nid mit Bättle uf de Chnöi Aber i chrüche zu dir, i zieh der Schwanz i I jaule ab dire Schönheit, i wett bi dir si I chraue mi a dis Härz, i verbisse mi dri, i bi tröi Tröi wine Löi. I bi di Ma Wosch e chli schlafe im Zug, de bini es Chüssi für di U wosch alei dür d Strasse ga, de verschwindi für di Wosch e Vatter für dis Chind Oder mit mir chli im Wind Am Ufer na. I bi di Ma Ah, der Mond isch z häu, d Nacht hüut u bäut I bi ar Chetti u schrisse dra I jage dene Verspräche na, woni dir ha gä u nid ghaute ha I weiss, ke Ma het je e Frou bewegt, ämu nid mit Bätte uf de Chnöi Aber i chrüche zu dir, i zieh der Schwanz i I jaule ab dire Schönheit, i wett bi dir si I chraue mi a dis Härz, i verbisse mi dri, i bi tröi Tröi wine Löi. I bi di Ma Wosch mini Liebi, machi aus, wo du vo mir wosch ha U wosch en angeri Liebi, leg i für di e Maske a Wosch e Partner, sägi Ja Wosch mi i dire Wuet erschlah I stah da. I bi di Ma
10.
Schwaube ir Luft 02:02
lyrics
buy track
SCHWAUBE IR LUFT - IAN LEU Wine Schwaube ir Luft Wi der Ätti im Suff I ha's probiert, uf mi Art, i ha gmeint i sig frei Wine Wurm, wo sech windet am Haagge Wine Ritter ir bluetige Rüstig am Schnaagge Au mini Narbe si für di U wenn i mängisch lieblos bi De hoffi, du weisch: Das geit verbi Bini fausch, lüg i di a De hoffi, du seischmer, dass i angers cha Wi es Ching am Stärbe Wi e Sturm i de Bärge I ha aui verschrisse, wo mir näch si gsi Aber i schwöre, bi mim Gsang U bi aune Fähler wo mir gmacht hei mitnang Mis Härz isch off u i tue's nümme zue Mi het mau e Bueb usgno bimne Chartespiu Är het zuemer gseit: Du wosch viu z viu Mi het mau e Frou usglacht wäg mine Wanderschue Si het zuemer gseit: Isch dr das scho gnue? Wine Schwaube ir Luft Wi der Ätti im Suff I ha's probiert, uf mi Art. I bi frei.
11.
Muure mit Farbe 02:27
lyrics
buy track
MUURE MIT FARBE - IAN LEU D Böim si Wasserfäu us Blüete D Blueme schwümme im Gras Di warmi Luft berüert se So fiin, si chunnt fasch nid a Mir hei gseit, mir warte Uf nang i däm Garte U jtz simer da Mir male d Muure mit Farbe a Mir zeichne Türene uf d Wäng I Tor wo gschlosse si, mal i e Schlüssu dri U du mausch üs Leitere id Häng D Wouche si es Ufer U der Himu isch üses Meer S schmöckt sauzig, u mir schnuufe U mis Härz tuet mer fasch nümm weh Mir hei gseit, mir warte Mir hei gseit, me fingt's ohni Charte U jtz si mir da Mir male d Muure mit Farbe a Mir zeichne Türene uf d Wäng Mau no es Fänsterli für die, wo ängstlech si I mau ne Pinsle i d Häng Chum, ghei mit mir us de Wouche I wott lehre flüge U we's nur e Troum isch, wachsch eifach uf I wott nid Brot u Wasser I wott Luft u Liebi Chum, mir bräche us Mir male d Muure mit Farbe a Mir zeichne Türene uf d Wäng Mau no es Fänsterli für die, wo ängstlech si I mau ne Pinsle i d Händli
12.
Heb mi hurti 02:12
lyrics
buy track
HEB MI HURTI - IAN LEU Heb mi hurti, heb mi fescht I wott no nid ga Chum hüt blibe mir im Näscht Chum bis no chli da Hesch mi gärn, gäu? I di o Cha das würklech si? I schlafe nümm, i tröime no Wenn isch aus verbi? Heb mi hurti, heb mi lang Drück mi a di Bruscht Du hesch grad mis Härz ir Hang Gspürsch? Es schlaht us Luscht Hesch mi gärn, gäu? I di o Cha das würklech si? I schlafe nümm, i tröime no Wenn isch aus verbi? Heb mi hurti, heb mi forsch Säg, hüt ghörisch mir I bi dir hüt, we mi wosch Es Rössli ohni Gschirr Hesch mi gärn, gäu? I di o Cha das würklech si? I schlafe nümm, i tröime no Wenn isch aus verbi?
13.
Im Summer 02:08
lyrics
buy track
IM SUMMER - IAN LEU Ds Marzilibad u ds Lorrainebad si vou Au wei id Aare, chum ou När si mer nass u d Hut u d Haar u d Öigeli glänze Der Asphaut brönnt di blutte Füess u mir tänzle REFRAIN: Im Summer isch ds Läbe fasch erträglech We's heiss u füecht isch, dänkt mis Hirni nümm De hani nume no mini sibe Sinne U so weni Sorge wi d Chatze u d Hüng Mönsche si no schöni Tierli u si schmöcke fein U es fägt, se z strichle u mit ne z spile, we si wei Teu chöi sogar rede oder mache ämu Grüsch, woni verstah Oh, oh - oh, Ja =>REFRAIN Gli chunnt der Herbst, när der Winter Ob nomau Früelig wird, weiss i ni vilech isch's jtz das scho gsi Vilech lieb i di =>REFRAIN
14.
Friss di säuber 01:41
lyrics
buy track
FRISS DI SÄUBER - IAN LEU Du fragsch, werum si Tier us Fleisch, we me se nid söu ässe We Pflanze söue Nahrig si, werum schmöckt Gras so grässlech? Du rüefsch am Chäuner zue: Chli bluetigs Fleisch wär jtz perfekt U seisch: Mir glich, we für mis Znacht es glücklechs Tier verreckt När lachisch, o du schinsch glücklech z si U weisch, o du besteisch us Fleisch Drum friss di säuber Fang bi dire Zungen a Biss ab u schlück se Nächär chäm dis Hirni dra Chopf läär, kes dinne O d Brust isch hou, s isch kes Härz da Wo hesch de du dis Härz u ds Hirni gla? Vom Fleisch wachst ds Hirni, seisch, drum sig dis viu z gross für di Chopf U du heigisch ghört, dass wägem Fleisch chöng si, dass ds Härz verstopf Der Arzt heig drum zur Sicherheit grad beides usegno, Ar Spitze vo der Nahrigschetti mach me das eso Ar Spitze vo der Nahrigschetti Da blibsch aber nume, we di niemer angers frisst Drum friss di säuber Du Verdouigsapparat Nimm d Fust i d Frässe U när säg: Fleisch isch mi Salat Friss dini Eier, wenn Eier hesch U schlück dis eigete Ejakulat Für mi e Linsesuppe, d Rächnig separat
15.
Schlaflied 01:00
lyrics
buy track
SCHLAFLIED - IAN LEU Schlaf, du chline Wirbusturm Chasch morn wider sändele Morn de d Wäut ändere Schlaf jtz, chline Wirbusturm Blib i dim Bettli u mach dini Öigeli zue Schlaf, du chline Rägewurm Chasch morn wider use ga Morn ide Glungge sta Schlaf jtz, chline Rägewurm Schlaf Ghörsch dusse ds Rusche vom Wind i de Böim? Gspürsch dis Härzli i dir inne schla? We de ganz stiu daligsch, ghörsch dini Tröim I dim Chüssi, heb mau ds Chöpfli dra Di chlini Schwaube schlaft im Gloggeturm Di grossi flügt immer Der Himu aus Zimmer Si schlaft ir Luft überem Gloggeturm U tröimt, dass der Wirbusturm schlaft Si tröimt, dass der Wirbusturm schlaft Wirbusturm schlaf
16.
Mönsche 02:20
lyrics
buy track
MÖNSCHE - IAN LEU Ds Morgerot isch grau-blau Dr Wind isch agnähm chaut D Fädere schüttle, ds Ästli rüttle I chräie, wöu's mir gfaut Dr Boum isch vou vo Vögu S wird grüeft u d Flügle gschwunge Teu schlafe no, teu flüge scho U när, was gsehni dert unge? Mönsche - Wäää! Mönsche - Wäää! Scho am Morge Mönsche - Wäää! Hocksch gmüetlech uf dim Ast Fröisch di ufne nöie Tag D Luft ladt di i aber laht di si Was du wosch, isch en offni Frag U när gsehsch se umesteuze Uf ihrne z länge Bei Si hei Flügle ohni Fädere U Chöpf so schwär wi Stei Mönsche - Wäää! Mönsche - Wäää! Mi gruuse Mönsche - Wäää! Mönsche si so hässlech Si wei sech nimau säuber gseh Drum lege si di farbige Hudlen a Drunger si si brun oder bleich wi Schnee Eine isch mau blutt gsi I finge fasch keni Wort I hane gseh, d Wahrheit tuet weh Der Schnabu - am fauschen Ort Mönsche - Wäää! Mönsche - Wäää! Unger üs het's Mönsche - Wäää! Mönsche stinke U aus wo Mönsche mache stinkt o Si male der Himu mit Ärde a U houe Böim abe, statt ufe z cho Si boue keni Näster Aber Gräbe, Muure u Türm Si gumpe vo Decher u si nächär flecher Si stöh unger Böim, we's stürmt Mönsche - Wäää! Mönsche - Wäää! I schisse uf Mönsche - Wäää! Mönsche liebe wi mir Chräie d Höchi U der frei Fau Si si z tumm zum verstah, dass muesch Fädere ha We nid chasch flüge, macht gheie Au! Mir lache we si chöme Mit Gwehr u üs wei usrotte Der Abgrund schrisst a de Mönsche Wi ds Liecht a de Motte Mönsche - Wäää! Mönsche - Wäää! Überau het's Mönsche Gli si si wäg Gli si si wäg Gli si si wäg
17.
Verzeu 01:59
lyrics
buy track
VERZEU - IAN LEU Chum, verzeu mer e Gschicht Wo mer gfaut Chum, verzeu mer se Wie amne Chind Chum, verzeu mer e Gschicht Vo Wouche u Wind Chum, verzeu Säg, wär a Land steit u winkt Red vom Rusche Vom Rüefe, vom Lied Wo verklingt U we der Lüchtturm nüm gsehsch Am Horizont U we us Rot u Blau ringsum Schwarz wird De verzeu, wi der Mond denn is Meer gheit u brochen isch Verzeumer vo flügende Fisch U vom Grund wo ke Mönsch cha gseh U geit der Seema vo Bord Imene Sturm De verzeumer Vo Wäuen u Wuet Verzeu vo Schum u vo Sauz U vom Tose Vom Trinke u vom Brönne ir Brust U när verzeu, vore Insle u süesse Frücht Vo Blüete u säutene Düft Vo Stärne u Stimme ir Nacht Chum, verzeu mer e Gschicht Woni verstah Mitemne Afang U mitemne Änd Chum, verzeu mer e Gschicht Bevori ga Chum, verzeu U strichle mis Gsicht

credits

released May 13, 2020

Jesus us Schoggi: vgl. Chocolate Jesus (Tom Waits)
Vilich: vgl. Quizás, Quizás, Quizás (Osvaldo Farrés)
I bi di Ma: vgl. I'm Your Man (Leonard Cohen)
Schwaube ir Luft: vgl. Bird on a Wire (Leonard Cohen)
Heb mi hurti: vgl. Love Me Tender (Elvis)
Alle anderen Lieder sind ganz auf meinem Mist gewachsen.

Aufgenommen im November 2019. Merci viumau, Raphi!

Cover Design und Zeichnungen von Paolo Riva (paoloriva.ch). Merci viumau, Paolo!

license

all rights reserved

tags

about

Ian Leu image

Ian Leu Bern, Switzerland

Ich mache berndeutsche Lieder.

contact / help

Contact Ian Leu

Streaming and
Download help

Redeem code

Report this album or account

If you like Ian Leu, you may also like:

Bandcamp Daily  your guide to the world of Bandcamp

On Bandcamp Radio

Fabiana Palladino stops by to talk about her mesmeric debut LP.
listen now